चेतनशिल सहकारीके १४ औं वार्षिक साधारण सभा

पहुरा समाचादाता
हसुलिया, १ पुस । कैलालीके कैलारी गाउँपालिका–५, पवेराके चेतनशिल महिला विकास बहुउद्देश्यीय सहकारी संस्थाके १४ औं वार्षिक साधारण सभा मगंरके रोज हुइल बा ।

वार्षिक साधारण सभा कार्यक्रमके वडका पहुना कैलारी गाउँपालिका अध्यक्ष लाजुराम चौधरी वेरोजगार रहल यूवाहे रोजगार सृजना करेक लाग एक सहकारी एक उद्योग स्थापना कैना ओ वर्गीकारण करके रोजगार सृर्जना कैना रहल बटैलै ।

कार्यक्रममे महिला तथा बालवालिका शाखाके बालकुमारी चौधरी महिला कौनोफे काम करे बेर इमानदारिता डेखाई पर्ना बटैली । कार्यक्रममे कैलारी गाउँपालिका–५ वडाके वडा अध्यक्ष विष्णु चौधरी, नेकपाके बतासु चौधरी, पारदर्शी महिला विकास बहुउद्देश्यीय सहकारी संस्था लिमिटेडके व्यवस्थापक कौशी बोहरा, समिक्ष महिला विकास बहुउद्देश्यीय सहकारी संस्थाके अध्यक्ष उर्मिला चौधरी लगायत मन्तव्य व्यक्त करले रहिट । सहकारी संस्थाके लेखा समितिके सदस्य आशा चौधरी लेखा प्रतिवेदन प्रस्तुत करले रहिट ।

सस्थाके सचिव कृष्ण चौधरी प्रगती प्रतिवेदन प्रस्तुत करले रहिट । सहकारी संस्थाके २०७६÷०७७ के आय–व्याय संस्थाके व्यवस्थापक बनिता चौधरी ३५ लाख ७७ हजार पाँच सय तीन रुप्या बराबरके प्रस्तुत करले रहिट ।

यी सहकारीमे मजा काम करुइयाहे सम्मान कैगिल बा । उत्कृष्ट शेयर सदस्य पवित्रा परियार, अति विपन्नके दुई जाने बालवालिकाहे, मिलन समुह गौवरैलाके, वडासे साविक–३ के छोटीपालियाके ओ टिना खेतीके कञ्चा चौधरी, केरा खेतीके सोमती चौधरीहे उत्कृष्ट दोसल्ला सहिट सम्मान करले रहिट ।

कार्यक्रमहे संस्थाके सहव्यवस्थापक तिरथ चौधरी संचालन करले रहिट । कार्यक्रममे अध्यक्ष हिरा चौधरीके सभापतित्वमे हुइल रहे । कार्यक्रमके स्वागत संस्थाके उपाध्यक्ष सुशिला चौधरी करले रहिट ।