मोटरसाईकल चोरी करुइया ६ गिरोह पक्राउ

पहुरा समाचारदाता
धनगढी, ५ पुस । कैलालीमे नम्मा समयसे मोटरसाईकल चोरी करुइया ६ जाने गिरोह ७ ठो मोटरसाईकल सहित पक्राउ परल बटै ।

पक्राउ परुइयामे कैलाली घोडाघोडी नगरपालिका वडा नम्बर २ बैठना बर्ष १९ के अर्जुन बिष्टहे अगहन २९ गते, वडा नम्बर १० बैठना जि.पि.अटोपार्टस संचालक बर्ष २२ के पारस बिष्ट ओ बर्ष २० के यमराज बि.क.हे अगहन ३० गते करल जिल्ला प्रहरी कार्यालय कैलालीके प्रवक्ता प्रतिक विष्ट जनैलै ।

ओस्टेक घोडाघोडी नगरपालिका–११ बैठना बर्ष २२ के राजेश चौधरी, बर्ष ३० के बिदुर लामिछानहे पुस २ गते ओ वडा नम्बर १ बैठना बर्ष २० के विकास सुवेदीहे पुस ३ गते पक्राउ करल उहाँ बटैलै ।
धनगढी उप–महानगरपालिका वडा नं १ मालपोत कार्यालय आघे पार्किङ करके धारल से.३ प.३७४ नम्बरके सुपर स्पिलिण्डर मोटर साईकल चोरी हुइल कहटी अगहन २९ गते डुपहर १२ः५० बजेके समयमे खबर प्राप्त हुके खोज तलास करेबेर उहे दिन चार बजे कैलाली घोडाघोडी नगरपालिका–२ साँडेपानी बैना अर्जुन बिष्ट उ मोटरसाईकल चलाई रहल अवस्थामे पहलमानपुरसे पक्राउ करल रहे । घटनामे ठप अनुसन्धान करके और व्यक्तीहुकनके खोज तलास करेबेर हाल सम अनुसन्धानके क्रममे खुले आइल चोरी हुइल ७ ठो मोटरसाईकल सहित ओइने पक्राउ परल प्रहरी जनैले बा ।

पक्राउ करल ५ ठो मोटरसाईकलके सवारी धनी खुले आइल सवारी धनीके जाहेरीके आधारमे ओइने ६ जाने विरुद्ध मोटरसाईकल चोरी शिर्षकमे मुद्दा दर्ता करके कैलाली जिल्ला अदालतसे म्यादथप करके ठप अनुसन्धान हुइटी रहल बा । २ ठो मोटर साईकल धनी खुले नइआइल ओरसे ईन्जिन चेसिस नम्बरके आधारमे पहिचान करके दिन हुइना ओ निजहुकन और स्थानमे समेत चोरी करल हुई सेकना ओरसे हुलियाके आधारमे पहिचान हुइल यी कार्यालयमे सम्पर्क रख्न जिल्ला प्रहरी कार्यालय जनैले बा ।

बरामद हुइल मोटर साईकल ओ सवारी धनीमे धनगढी उपमहानगरपालिका–१४ बैठना विनय बानियाके सुपर स्पेलेन्डर से ३ प ३७४ नम्बरके चेसिस नम्बरMBLSA05EKC9K12801ईन्जिन नम्बर IA05ECC9K12830 रहल मोटरसाईकल, जानकी गाउपालिका ९ बैठना एकिन्द्र शाहके होण्डा ट्रेगर से ४ प ६४१२ नम्बरके चेसिस नम्बरME4KCI91LE8061996, ईन्जन नम्बरKCI9E80091180 रहल मोटरसाईकल फेलापारके बरामद करल हाल उ मोटरसाईकलमे से ५ प ८६३ नम्बर प्लेट धारके चलैटी रहल, धनगढी उपमहानगरपालिका वडा नम्बर ७ बैठना नगेन्द्र चौधरीके यामाह कम्पनीका FZS से ४ प ८८९८ नम्बर रहल चेसिस न. MEGRG0621G0157789, ईन्जन नम्बर G3C860252858 रहल मोटरसाईकल फेलापारी बरामद करल उ मोटर साईकलमे से ५ प २५८० नम्बर प्लेट धारके चलैटी रहल, कञ्चनपुर महाकाली नगरपालिका वडा नम्बर ९ बैठना बिनोद खडकाके स्पेलेन्डर सु प प्र ०२००३ प २५८२ चेसिस नम्बरMDL4AR071K9400421, ईन्जिन नम्बर 4A10AGR9400571 हाल से ४ प ८९८१ नम्बर प्लेट धारके चलैटी रहल, धनगढी उपमहानगरपालिका २ बैठना लालबहादुर शाहीके होण्डा साईन म १ प ६४३२ नम्बरके चेसिस नम्बरME4JC368JB8318657, ईन्जिन नम्बर JC36E2489155 नम्बर प्लेट नइरहल, बजाज डिस्कभर चेसिस नम्बर MD2A37CZXDWB15747 ओ ईन्जिन नम्बर GEZWDBO8195 हाल नम्बर प्लेट म १ प ९१८१ धारके सवारी धनी नइखुलल, स्पेलेन्डर नम्बर प्लेट नइरहल चेसिस नम्बर MBLHA10EJ99MO3899 ओ ईन्जिन नम्बर HA10EA99Mo3899 सवारी धनी नइखुलल हाल से २ प ५३७ नम्बरके मोटर साईकल बरामद करल बा ।

लागु औषध सहित दुई पक्राउ
२० ग्राम लागु औषध (खैरो हिरोईन) सहित भारतिय नागरिक पक्राउ परल बटै ।
कैलाली टीकापुर नगरपालिका वडा नं.८ खक्रौलास्थित भारत ओर लागु औषध नन्टी रहल कना सूचनाके आधारमे ईलाका प्रहरी कार्यालय टिकापुर ओ लम्कीसे सयुक्त रुपमे खटल प्रहरी टोली भारत उत्तर प्रदेश जिल्ला लखिमपुर खिरी,सुरतनगर ग्राम पञ्चायत ईन्द्रनगर बैठना बर्ष ३३ के जसपाल सिंहहे पक्राउ करल हो । हुकनठेनसे उज्जर प्लाष्टिकके पोका थान २ (दुई) कुल तौल २० ग्राम लागु औषध खैरो हिरोईन ओ लागु औषध नापतौल कैना डिजिटल तराजु थान १ (एक) फेला पारके बरामद हुइल रहे । जसपालहे लागु औषध शिर्षकमे मुद्दा दर्ता करके ठप अनुसन्धान हुइटी रहल जिल्ला प्रहरी कार्यालय कैलालीके प्रवक्ता प्रतिक विष्ट बटैलै ।
ओस्टेक करके टीकापुर नगरपालिका वडा नं.७ सोनाहा फाँटास्थित सडक खण्डमे ईलाका प्रहरी कार्यालय टिकापुर ओ प्रहरी चौकी सत्तीसे सयुक्त रुपमे खटल प्रहरी टोली शंकास्पद तवरसे नेंग्टी अवस्थामे गौरीगंगा नगरपालिका–९ भैसासुर बैठना बर्ष २२ के बिवस बमहे चेक जाँच करेबेर ६ ग्राम लागु औषध खैरो हिरोईन फेला पारके बरामद करल रहे ।