रिङ रोडके शिलान्यास

पहुरा समाचारदाता
धनगढी, ७ पुस । कैलालीके घोडाघोडी नगरपालिका वडा नम्बर १ मे रिङ रोड शिलान्यास करल बा ।

मंगरके एक कार्यक्रमके बिच नगर प्रमुख ममताप्रसाद चौधरी रोडके शिलान्यास करल हुइट । वडा नम्बर १ के ज्वाला नगर जैना डगरामे रोगके शिलान्यास करल बा ।

पहिल चरणमे ३ किलोमिटर ५६ दशम्लब मिटरके सडक कालो पत्रे हुइना बटाइल बा । रेखा जेबी निमार्ण सेवा लम्केली करिब १ करोड ५८ लाख ६० हजार ९५८ रुपैयाँमे ठेक्का सम्झौता करल जनाइल बा । काम सुरु हुइल एक बरस भित्रे ३ किलोमिटर ५६ दशम्लब मिटरके सडक कालो पत्रे हुइना सम्झौतामे उल्लेख करल बा ।

क्रमागत रूपमे योजना सम्पन्न कैना घोडाघोडी नगरपालिका जनैले बा । सुखडके भइखाली चौकसे पिपलडाँडा, पूर्वी पेट्रोल पम्प हुइटी बेलार, लक्ष्मीपुर, घोडाघोडी, कौवा, ज्वाला नगर हुइटी भइखाली चौकसम करिब १७ किलोमिटर रिङ रोड निर्माण हुइना जनाइल बा ।