विद्यालयहे हट–कोल्ड वाटर डिस्पेन्सर सहयोग
पहुरा समाचारदाता
धनगढी, १८ पुस । धनगढी उपमहानगरपालिका ८ नम्बरके वडा कार्यालय धनगढी नमूना प्राविधिक माविहे तीन ठो हट–कोल्ड वाटर डिस्पेन्सर सहयोग करले बा ।
शुकके रोज विद्यालयमे आयोजित एक कार्यक्रमके विच वडा अध्यक्ष नारायण प्रसाद बराल उ हट–कोल्ड वाटर डिस्पेन्सर ओ ६ ठो जार विद्यालयके प्रअ लक्ष्मणदत्त भट्ट ओ विद्यालय व्यवस्थापन समितिके अध्यक्ष उपेन्द्रराज जोशीहे हस्तान्तरण करल रहिट ।
वडा अध्यक्ष नारायण प्रसाद बरालके अध्यक्षमे हुइल कार्यक्रममे उहाँ स्वास्थ्य खानेपानीके पुगैना उद्देश्यसे छोट हुइलेसेफे हट–कोल्ड वाटर डिस्पेन्सर सहयोग करल बटैलै ।
कार्यक्रममे विद्यालयके प्रअ लक्ष्मणदत्त भट्ट ओ नेपाल पत्रकार महासंघ कैलालीके कोषाध्यक्ष हिमाल जोशी लगायत मन्तव्य व्यक्त करले रहिट ।
कार्यक्रम विद्यालय व्यवस्थापन समितिके अध्यक्ष उपेन्द्रराज जोशीके अध्यक्षतामे हुइल कलेसे संचालन शिक्षक गणेश नेपाली करले रहिट ।
