वडा कार्यालयके शिलान्यास

पहुरा समाचारदाा
हसुलिया, १७ पुस । कैलारी गाउँपालिकाके वडा नम्बर ७ वडा कार्यालयके शुकके शिलान्यास
करल बा ।

गाउँपालिकाके अध्यक्ष लाजुराम चौधरी वडा कार्यालयके शिलान्यास करल हुइट ।

उ अवसरमे वडा अध्यक्ष कलमप्रसाद चौधरी, गाउँपालिकाके योजना शाखा प्रमुख सन्तोषकुमार चौधरी, प्राविधिकद्वय गोविन्द रोकाया, भरत चन्दके उपस्थिति रहल रहे ।

३५ लाख रुपैयाँ लागतमे वडा कार्यालयके नयाँ भवन निर्माण करे लागल वडा अध्यक्ष चौधरी जानकारी डेलै । उ वडा कार्यालय स्थानीय तह गठन हुइलठनसे नै झोपरीमे सञ्चालन हुइटी आइल बा ।

ओस्टके, वडा नम्बर ७ मे रहल हरियाली सामुदायिक कृषि सहकारी संस्था लिमिटेडके सातौं साधारण सभाके शुकके उद्घाटन करल बा । वडा अध्यक्ष कमलप्रसाद चौधरी साधारण सभाके उद्घाटन करल रहिट । साधारण सभासे नयाँ समिति चयन कैना जनाइल बा ।