आर्थिक मामिला तथा योजना मन्त्री बोहरासे राजीनामा
पहुरा समाचारदाता
धनगढी, २२ पुस । सुदूरपश्चिम प्रदेशके आर्थिक मामिला तथा योजना मन्त्री झपटबहादुर बोहरा पदसे राजीनामा डेले बाटै ।
बुधके धनगढीमे पत्रकार सम्मेलन करटी मन्त्री बोहरा राजीनामा डेहल घोषणा करलै । उहाँ आपन दृढ इच्छाशक्ति ओ यथेष्ठ प्रयत्नके बाबजुद जनभावना अनुसार काम कैना टमान कठिनाई एवं चुनौतीके सामना करे परल प्रदेश सरकार मन्त्रीपदमे बैठल बेला प्रदेशके जनताके मतके अपमान डेखल ओरसे उहाँ राजीनामा डेहल बटैलै ।
उहाँ प्रदेश खाद्य संस्थान, विद्युत विकास बोर्ड, प्रदेश सुलभ यातायात, परिवहन, प्रादेशिक विश्व विद्यालयल, जडीबुटी संकलन तथा प्रशोधन केन्द्र लगायतके महत्वपूर्ण योजनाके काम सोच ओ दृढ इच्छा शक्ति रहनाके बाबजुद फेन करे नाइ सेकल कहटी मन्त्री बोहरा क्षमा मागल रहिट । कलेसे उहाँ अइना दिनमे भूमिका अइलेसे ओ भूमिकामे आइलमे उ योजनाहे आघे बह्रैना प्रतिवद्धता व्यक्त करल रहिट ।
यकर साथे फरक क्षमता रहल व्यक्ति, विपन्न, गरिब वर्गहुक्रनके लाग आपन सदैव साथ रहना मन्त्री बोहरा बटाइल रहिट ।
मन्त्री बोहरा राजीनामा डेहलसंगे प्रधानमन्त्री केपी शर्मा ओली पक्षीय नेकपामे खुलल् बाटै । ओली पक्षमे लागल भौतिक पूर्वाधार विकास मन्त्री पठान बोहराहे मुख्यमन्त्री त्रिलोचन भट्ट यिहीसे आघे नै पदमुक्त करल रहिट ।
