देशके समृद्धि सुदूरपश्चिमसेः प्रम ओली
पहुरा समाचारदाता
धनगढी, २५ पुस । प्रधानमन्त्री केपी शर्मा ओली सुदूरपश्चिम प्रदेशहे पाछे पर्ना तागत केक्रोठन नैरहल बटैले बाटै ।
नेकपासे शुकके धनगढीमे आयोजित जनसभाहे सम्बोधन करटी प्रधानमन्त्री ओली विगतके दिनमे टमान कारणसे पाछे परलेसे फेन इ प्रदेशहे आब पाछे पर्ना केक्रोठन तागत नाइ रहल बटाइल हुइट ।
‘इ प्रदेश प्राकृतिक श्रोतसे भरिपूर्ण बा, सेती, कर्णाली लडिया यहै बहल बा । प्रदेश टमान खानीके श्रोतसे भरि भराउ बा । अत्रा उिढर अवसर रलेसे फेन यहाँके जनता भारतमे जाके आपन श्रम बेच्टी रहल बाटै,’ प्रधानमन्त्री कहलै– ‘आब विकास निर्माण लगायतके सक्कु काम इहे प्रदेशसे सुरु करब । रोजगारी यहै सृजना करब, प्रदेशहे समृद्ध बनैटी देशके समृद्धि सुदूरपश्चिमसे नानब ।’
प्रधानमन्त्री आघे कहलै– ‘प्रदेशमे गरिबी, अशिक्षा, पछौटेपन समस्याके समस्या रहल बा । इ सब मै सक्कु बुझ्ले बाटुँ । यहाँके सुकुम्बासी, भूमिहीन दशकौंसे बैठ्टी आइल आपन जग्गाके लाल पुर्जा नाइ पैले हुइट । इ सक्कु समस्याके हाली समाधान हुई ।’
ओस्टके प्रधानमन्त्री ओली प्रदेशके समग्र विकासके लाग कञ्चनपुरमे बन्टी रहल सुख्खा बन्दरगाह, गौरीफन्टा नाकाके स्तरोन्नति ओ धनगढी विमानस्थलहे रातके फेन उडान भरे सेक्ना मेरके अन्तर्राष्ट्रिय विमानस्थलके रुपमे स्तरोन्नति फेन कैना बटैलै । उहीसे प्रदेशके असाधाराण विकास हुइनामे प्रधानमन्त्री विश्वास व्यक्त रलै ।
ओस्टके लम्मा समयसे चर्चाके विषयमे रहल पश्चिम सेती परियोजनाहे अपने लगानीमे आघे बहै्रना, सेती लोकमार्ग स्तरोन्नति, चैनपुरसे टकलाकोटसमके उरै नाकाके काम समेत हाली आघे बहै्रना बटाइल रहिट ।
कलेसे परम्परागत कृषि प्रणालीहे आधुनिकीकरण ओ व्यवसायीकरण कैटी नेपालमे रोजगारीके अवसर सृजना कैनामे जोड डेलै ।
कार्यकर्ता लेहे हसुलिया पुगल बस खाली घुमल
प्रधानमन्त्रीके सुरक्षार्थ खटागैल रहे ‘राजारानी’
प्रधानमन्त्री केपी शर्मा ओलीके सुरक्षार्थ नेपाल प्रहरीसे तालिम प्राप्त कुक्कुर समेत प्रयोग खटाइल बा ।
संघीय प्रहरी इकाइ कार्यालय धनगढीमे स्थापना करल कुक्कर शाखामे रहल राजा ओ रानी नाउँ डेहल कुकुर प्रयोग करल हो । धनगढी विमानस्थलमे चेकजाँचके लाग ‘राजारानी’(बाँकी २ पेजमे) के प्रयोग करल प्रहरी जनैले बा ।
नेकपा विभाजन हुइलपाछे ओली समूहसे आयोजना करल जनसभाहे सम्बोधन करे प्रधानमन्त्री ओली श्री एयरलाइन्सके विमान मार्फत धनगढी अइना हुइल रहे । मने मौसममे डेखल खराबीके कारण सकारे ८ बजके १५ मिनेटके उडान प्रभावित हुइल रहे ।
विमानस्थलमे सेना परिचालन
धनगढी विमानस्थलके सुरक्षा व्यवस्थामे फेन कडाइ करगिल रहे । प्रधानमन्त्री केपी शर्मा ओली धनगढी अइना हुइलपाछे शुकके सक्करीहसे विमानस्थलमे तीनु सुरक्षा निकायके प्रमुख पुगल रहिट । प्रधानमन्त्रीके सुरक्षार्थ नेपाली सेनाके विशेष टोली समेत परिचालन करल रहे ।
धनगढीके चोक–चोकमे सुरक्षाकर्मी
सुदूरपश्चिमके अस्थायी राजधानी धनगढीसहित कैलालीके सुरक्षा व्यवस्थामे कडाइ करल रहे । धनगढीसहित जिल्लाके सक्कु ठाउँमे ढिउर संख्यामे सुरक्षाकर्मी परिचालन करल स्थानीय प्रशासन जनैले बा ।
जिल्ला सुरक्षा समितिके बैठकसे बनाइल सुरक्षा रणनीति अनुसार धनगढीके चोक–चोकमे सुरक्षाकर्मी परिचालन करल रहे । धनगढी विमानस्थलसे राष्ट्र बैँक चोक तथा जनसभा हुइना खुलामञ्चसम ठाउँ ठाउँमे दर्जनौँ सुरक्षाकर्मीके टोली परिचालन करल रहे ।
नेपाल प्रहरी ओ सशस्त्र प्रहरीके छुट्टाछुट्टे टोली सडकमे परिचालन करल रहे । जिल्ला प्रहरी कार्यालयके प्रवक्ता प्रहरी नायब उपरीक्षक प्रतीक बिष्ट सक्करहीसे ढिउर संख्यामे प्रहरी परिचालन करल बटैलै ।
‘ढुक्क रही चुनाव बैशाखेमे हुइ’
प्रधानमन्त्रीके स्वागतमे नैगैलै मुख्यमन्त्री
प्रधानमन्त्री केपी शर्मा ओलीके स्वागतके लाग सुदूरपश्चिम प्रदेश सरकारके मुख्यमन्त्री मुख्यमन्त्री त्रिलोचन भट्ट सहित कौनो फेन मन्त्री नाइ गैलै । प्रचण्ड–नेपाल पक्षमे रहल मुख्यमन्त्रीसहित सरकारके मन्त्री प्रधानमन्त्रीके स्वागतमे नाइ गैल हुइट ।
प्रधानमन्त्री केपी शर्मा ओलीके स्वागतमे नाइ गैलेसे फेन मुख्यमन्त्री भट्ट गाडी भर पठैले रहिट । नेकपा विभाजन हुइलपाछे प्रचण्ड–नेपाल समूहमे रहल मुख्यमन्त्री भट्ट ओ प्रदेश सरकारके मन्त्री भर प्रधानमन्त्रीके स्वागतमे नाइ गैलै ।
यहोर जिल्ला प्रशासन कार्यालय कैलालीके समन्वयमे मुख्यमन्त्री तथा मन्त्रीपरिषद्के कार्यालयसे प्रधानमन्त्रीके लाग गाडीके व्यवस्थापन करल हो । जिल्ला प्रशासन कार्यालयके सूचना अधिकारी शिवराज जोशी प्रधानमन्त्रीके लाग प्रदेश सरकारसे नै गाडी व्यवस्थापन करल बटैलै । प्रधानमन्त्री पार्टीके एक गुटके भेलामे सहभागि हुइना धनगढी आइल ओरसे स्वागतमे नाइ गैल उहाँहुक्रे प्रतिक्रिया डेले बाटै ।
सम्बन्धित समाचार
सुदूरपश्चिम प्रदेशहे पाछे पर्ना तागत केक्रोठन नैहो : प्रधानमन्त्री ओली
कार्यकर्ता लेहे हसुलिया पुगल बस खाली घुमल, ठाउँ ठाउँमे विरोध
