नेपालमे लावा प्रजातिके कोरोना, तीन जाने संक्रमित
पहुरा समाचारदाता
धनगढी, ५ माघ । नेपालमे लावा प्रजातिके कोरोना भाइरस भित्रल बा । बेलायतसे आइल तीनजनहनमे लावा प्रजातिके कोरोना भाइरसके संक्रमण हुइल स्वास्थ्य मन्त्रालय पुष्टि करले बा । उहाँहुक्रे कुछ दिन आघे नेपाल आइल रहिट ।
स्वास्थ्य मन्त्रालयके अनुसार २८ वर्षीया महिला, ६७ वर्षीया पुरूष ओ ३२ वर्षीय पुरूष कैके तीनजनहनमे लावा प्रजातिके भाइरस डेखल हो । मने उहाँहुक्रे मध्ये २८ वर्षीया महिला ओ ३२ वर्षीय पुरुष भर कोरोनामुक्त होसेकल बाटै । स्वास्थ्य मन्त्रालयके अनुसार ६७ वर्षीय पुरुषके कोरोजना पोजिटिभ डेखगैलेसे फेन कौनो लक्षण भर डेखल नैहो ।
स्वास्थ्य मन्त्रालयसे गत पुस २७ गते विश्व स्वास्थ्य संगठनके सहयोगमे बेलायसे आइल ६ जाने मध्ये ३ जनहनके स्वाव परिक्षणके लाग हङकङ पठाइल रहे । बेलायतसहित युरोपियन मुलुक, अमेरिका ओ अफ्रिकामे फैलल् लावा प्रजातिके भाइरस पहिलेकसे ढिउर संक्रामक रहल वैज्ञानिकहुक्रे बटैले बाटै । लावा प्रजातिके भाइरसके संक्रमण ह्वात्ते बह्र्रलपाछे बेलायतमे लकडाउन घोषणा करल बा ।
