प्रतिनिधि सभा विघटन विरुद्ध काँग्रेससे विरोध

पहुरा समाचारदाता
हसुलिया, ८ माघ । प्रधानमन्त्री केपी शर्मा ओलीसे कैगिल प्रतिनिधि सभा विघटन विरुद्ध नेपाली काँग्रेससे कैलारी गाउँपालिका वडा नम्बर ४ भिटरिया ओ वडा नम्बर ५ पवेरा, वडा नम्बर ७ बसन्ता लगायगत ठाउँमे विरोधके कार्यक्रम करगिल बा ।

नेपाली काँग्रेस कैलारी गाउँपालिका कार्यसमितिसे वडा नम्बर ४ के भिटरियामे करगैल विरोध सभाहे प्रदेश सभा सदस्य टेकबहादुर रैका, राजसमझ चौधरी लगायत सम्बोधन करल रहिट ।

ओस्टके वडा नम्बर ५ मे कालीराम चौधरीके घरगोसियाइहे हुइल कार्यक्रमहे राजसमझ चौधरी, भगवती चौधरी, रामप्रसाद चौधरी, प्रेम चौधरी, मानबहादुर चौधरी, रामनरेश चौधरी, भागुदास चौधरी लगायत सम्बोधन करल रहिट । कार्यक्रममे सञ्चालन शुक्रराज चौधरी करल रहिट ।

सम्बोधन करुइया अधिकांश वक्ताहुक्रे प्रधानमन्त्री ओली सर्वसत्तावाद, अधिनायक बाद लाडल अरोप लगाइल रहिट ।