‘ गजल ’
यहाँ हँस्टि बटुँ मै
पहुरा |
१० माघ २०७७, शनिबार
मनमे पिर रलसे फेन यहाँ हँस्टि बटुँ मै
समस्यासे जुझ्टि जिन्गिसे लर्टि बटुँ मै
उलारडब हुइटि रहट् जिन्गिक् लर्हिया
ढकेल् ढकेल् नेंगैटि जिन्गि कट्टि बटुँ मै
राजनिटिक बाट सुन्के कान पाक्गिल बा
टभुन डुनियाँ भरिक् टमासा डेख्टि बटुँ मै
डेसभर नै सेक्लसे फे अपन अपन ठाउँमे
हमार भासा पहिचान बचाइ कह्टि बटुँ मै
बुँडा बुँडा कर्के गग्रि भरट पटै बा सबजहन
एक एक सक्टि डेखाइ परल सोंच्टि बटुँ मै
कैलारी–२, बसौटी, कैलाली
