हत्यामे संलग्न आरोपमे ४ पक्राउ

पहुरा समाचारदाता
धनगढी, १३ माघ । धनगढीमे एक युवकके हत्यामे संलग्न रहल आरोपमे ४ जाने पक्राउ परल बाटै ।

पक्राउ परुइयामे धनगढी उपमहानगरपालिका–६, जालीके ३५ वर्षिय सियाराम चौधरी, ३३ वर्षिय टेकुवा कना टिकाराम चौधरी, ३१ वर्षिय सुनिल कना कालुराम कुमाल ओ ३३ वर्षिय तारा कना ताराप्रसाद चौधरी रहल जिल्ला प्रहरी कार्यालय कैलाली जनैले बा ।

उहाँहुक्रे जालीके २५ वसर्षय दुःखराम चौधरीके हत्या करल आरोप लागल बा । दुःखराम २०६२ साल सावन ११ गते रात बेपता हुइल रहिट । १२ गते सकारे धान लगाइल खेट्वामे उहाँ मृत फेला परल रहिट ।

ओहकान हत्या हुइल कहटी पक्राउ परल ४ जनहन विरुद्ध कर्तव्य ज्यान शीर्षकमे मुद्दा दर्ता हुइल रहे । उहे दिनसे फरार रहल उहाँहुक्रनहे १५ बरसपाछे पक्राउ करल जिल्ला प्रहरी कार्यलय कैलालीके प्रहरी नायव उपरीक्षक प्रतिक विष्ट बटैलै ।