एलपिएलहे रोज कलेक्सनके साथ

पहुरा समाचारदाता
धनगढी, १५ माघ । यिहे अइना फागुन १५ से २४ गतेसम धनगढीमे हुइना पाँचौ सिजनके चन्डिका ग्रुप लिटिल फलावर प्रिमियर लिग (एलपीएल)के उत्कृष्ट खेलाडी, वेष्ट बलरके लाग पुरस्कार व्यवस्था रोज कलेक्सनसे कैडेना हुइल बा ।

बुधके रोज धनगढीमे आयोजित पत्रकार सम्मेलनमे उ पुरस्कारके व्यवस्था रोज कलेक्शनसे जनागिल बा ।

कार्यक्रममे रोज कलेक्सनके संचालक रोशनविक्रम शाही प्रतियोगिताहे सहयोग करे पाके खुशी लागल बटैलै । ओस्टेक प्रतियोगिता आयोजक सस्थाके अध्यक्ष रामचन्द्र शाही एलपीएलके तयारी ७० प्रतिशत हुइल बटैलै ।

कार्यक्रममे गुरुकुल एकेडेमीके म्यानेजिङ डाइरेक्टर दिपक सुरी लगायतके सहभागिता रहे । प्रतियोगितामे राष्ट्रिय प्रतियोगिता खेलसेकल खेलाडीकेफे सहभागीता रहना जनागिल बा ।