आर्थिक सशक्तीकरण सम्बन्धी तालिम निम्जल
पहुरा समाचारदाता
धनगढी, १५ माघ । महिला नेतृत्व विकास ओ आर्थिक सशक्तीकरण सम्बन्धी सात दिने तालिम विफेक रोज निम्जल बा ।
सभा नेपालके आयोजनामे सुरु हुइल तालिम महिलाके नेतृत्व विकास ओ आर्थिक सशक्तीकरण कैना उद्देश्यसे आयोजना करल हो ।
सवा नेपालके जिल्ला कार्यक्रम संयोजक दलबहादुर ओलीके अध्यक्षतामे हुइल समापन कार्यक्रममे सहभागीहुक्रे तालिमपाछेक सवा नेपालके जिल्ला कार्यक्रम संयोजक दलबहादुर ओली संचालन करले रहिट ।
तालिम पाइलपाछे सहभागीहुक्रे आर्थिक सशक्तीकरणके साथे नेतृत्व विकास करे सेक्ना सक्षम हुइल बटैलै । तालिममे धनगढी उपमहानगरपालिका, गोदावरी नगरपालिका ओ गौरीगंगा नगरपालिकाके १३ जानेक सहभागिता रहे ।
तालिममे प्रतिमा शर्मा, प्रतिमा पन्थी, पवन भण्डारी लगायतसे प्रशिक्षण डेहल रहिट । महिला नेतृत्व विकास ओ आर्थिक सशक्तीकरण सम्बन्धी सात दिने तालिम यूएन वुमन ओ फाउडेशन च्यानलके सहयोगमे हुइल रहे । तालिम समापन कार्यक्रमके संचालन संगिता चौधरी करले रहिट ।
