‘लगत संकलनहे प्रभावकारी बनाई’
पहुरा समाचारदाता
धनगढी, १६ माघ । धनगढी उपमहानगरपालिका प्रवक्ता तथा वडा नम्बर १ के अध्यक्ष सन्तोष मुडभरी भूमिहिन ओ सुकम्वासीहुकनके पहिचान, लगत संकलन ओ प्रमाणीकरण कार्य प्रभावकारी बनाई पर्ना बटैले बटै ।
शुकके रोज लगत संकलन निर्देशिकाबारे वडाके राजनितिक दल, नागरिक समाज ओ सरोकारवालासंगके छलफल कार्यक्रममे अध्यक्ष मुडभरी यैसिन धारणा राखल हुइट ।
भूमिहीन, सुकम्वारी लगत संकलनमे छुटे नइपरल वडाध्यक्ष मुडभरी कहलै, ‘टबमारेफे सरोकारवालासंग छलफल करल हुई ।
धनगढी उपमहानगरपालिकासे सुकम्वासी लगत संकलन इकाई कार्यालय स्थापना करके काम सुरु करसेकल बा । जग्गा हस्तान्तरणके प्रक्रिया सुरु करेक लाग भूमिहिन सुकम्वासी ओ अव्यवस्थित बसोवासीके पहिचान, लगत संकलन ओ प्रमाणिकरणके सक्कु काम हाली हुइना बटाइल बा ।
ऐलानी ओ प्रति जग्गामे बैठलहुकनहे उपमहानगरपालिकासे सक्कु सेवा सुविधा डेकेफे करके दायरमे नाने नइसेकल हो ।
