आज धनगढीमे प्रचण्ड–नेपाल समूहके विरोध सभा

पहुरा समाचारदाता
धनगढी, १७ माघ । धनगढीमे नेकपा (पुष्पकमल दाहाल प्रचण्ड–माधव कुमार नेपाल समूह)से आज धनगढीके खुल्ला मञ्चमे विरोध सभा हुइना हुइल बा ।

प्रतिनिधीसभा विघटनविरुद्ध हुउइना विरोध सभाहे सम्बोधनके लाग पूर्व प्रधानमन्त्री एवं नेकपा अध्यक्ष पुष्पकमल दाहल प्रचण्ड ओ माधवकुमार नेपाल धनगढी अइना हुइल बाटै ।

विरोध सभामे ५० हजार नेता कार्यकर्ता उतर्ना दाबी करल बा । प्रचण्ड ओ नेपाल सहित नेकपाके सुदूरपश्चिम ईञ्चार्ज भीम रावल समेत विरोध सभाहे सम्बोधन कैना बाटै ।

इहीसे आघे धनगढीमे नेकपा (ओली समूह) से धनगढीमे सभाके आयोजना करल रहे । सभाहे प्रधानमन्त्री केपी शर्मा ओली सम्बोधन करल रहिट ।