मोटरसाइकल दुर्घटनामे तीन जहनके मौट
पहुरा समाचारदाता
धनगढी, १८ माघ । धनगढीमे मोटरसाइकल दुर्घटना होके ३ जहनके मौट हुइल बा ।
उपमहानगरपालिकाके वडा नम्बर ६ स्थित मटियारीमे सुपप्र ०१००९ प ९१७ नम्बरके मोटरसाइकल दुर्घटना होके स्थानीय १८ वर्षिय रोहित रानाके मौट हुइल बा । ओस्टेके, घोडाघाडी नगरपालिका–१० मे ट्याक्टरमे मोटरसाइकल लरके दुई जहनके मृत्यु हुइल बा ।
मटियारी हुइल दुर्घटनामे २ जाने घाहिल हुइल रहिट । घाहिल रानाके उपचारके क्रममे मौट हुइल जिल्ला प्रहरी कार्यालय कैलाली जनैले बा ।
दुर्घटनामे परके घाहिल हुइल धनगढीके १९ बरसके कृष्ण राना ओ मोटरसाइकल चालक कञ्चनपुरके कृष्णपुर नगरपालिका–७ के १९ बरसके मिलेन्द्र सिंह रानाके उपचार हुइटी रहल कैलाली प्रहरीके प्रवक्ता प्रहरी नायव उपरीक्षक प्रतीक विष्ट बटैलै ।
अस्टेक घोडाघोडी हुइल दुर्घटनामे २२ वर्षिय गोविन्द बुढा ओ १७ वर्षिय मानबहादुर बुढाके मौट हुइल रहे ।
म १ त ५४२ नम्बरके ट्याक्टरके पाछे बा ९१ प ४०४ नम्बरके मोटरसाइकल गिल रात लरल रहे । दुर्घटनामे गम्भीर घाहिल गोविन्द ओ मानबहादुरके सुखडस्थित घोडाघोडी अस्पतालमे उपचारके क्रममे मृत्यु हुइल प्रहरीले जनैले बा ।
