सुदूरपश्चिमके ६ हजार ८७७ जाने लगैलै खोप
पहुरा समाचारदाता
धनगढी, १९ माघ । सुदूरपश्चिम प्रदेशमे छ हजार ८७७ जनहनहे कोरोनाके विरुद्धके खोप लगैले बटै ।
भारत सरकारसे अनुदानमे उपलब्ध कराइल उ खोप यिहे माघ १४ गतेसे देशभर १८५ खोप केन्द्रसे अग्रपंक्तिमे काम कैना स्वास्थ्यकर्मीसहित औरहे डेहे लागल हो । कोभिड–१९ विरुद्धके कोभिशिल्ड खोप अँटवारसम पाँचौँ दिन ८८ हजार सात व्यक्तिसे लगाइल बटैलै । स्वास्थ्य तथा जनसख््या मन्त्रालयके प्रवक्ता डा. जागेश्वर गौतमके अन्सार प्रदेश नं १ मे १२ हजार ७६३, प्रदेश नं २ मे ११ हजार ५७, बागमती प्रदेशमे २८ हजार ६८३, गण्डकी प्रदेशमा १२ हजार ३११, लुम्बिनी प्रदेशमे १० हजार ७६०, कर्णाली प्रदेशमे पाँच हजार ५५६ जनहनहे खोप लगाइल बा ।
मन्त्रालयसे पहिल चरणमे प्राथकिमता प्राप्त लक्षित समूहमे पर्ना व्यक्तिमध्ये स्वास्थ्यकर्मीसे काउन्सिल दर्ता, आधिकारिक परिचय पत्र ओ संस्थासे प्रमाणीकरण करल विवरण तथा और व्यक्तिके हकमे सम्बन्धित कार्यालयसे करल सिफारिश पत्र जिल्लाके स्वास्थ्य कार्यालयमे नाम दर्ता करके खोप लगाई आग्रह करले बा ।
स्वास्थ्य सेवा विभागके बालस्वास्थ्य तथा खोप शाखा प्रमुख डा झलक शर्मा गौतम कोभिशिल्ड सुरक्षित ओ प्रभावकारी रहल बाट वैज्ञानिक अध्ययनसे पुष्टि करल बटैलै । खोप लगाइलपाछे कुछ व्यक्तिमे सामान्य असर डेखलेसेफ सुरक्षित ओ प्रभावकारी डेखल उहाँ जानकारी डेलै ।
उहाँक अन्सार उ सामान्य असरमे खोप लगाइल ठाउँमे पिरैना ओ सामान्य सुवैना, मुरी बठैना, अल्छी लग्ना, जीउ बठैना, जोर्नी सामान्य बठैना, शरीर जुर हुूइल महसुस कैना ओ सामान्य जुरी तथा वाकवाकी लग्ना सामान्य असर विल्गाइल बा ।
उहाँ ओसिन असर विल्लैलेसे यी सक्कु कुछ समयपाछे ठीक हुइल जानकारी डेलै । मन्त्रालयसे कौनो ओसिन समस्या विल्गैलेसे औषधिके व्यवस्थापनसहितके समूह राखल जनैले बा ।
चीनसे ३ लाख डोज कोरोना खोप अनुदान डेना घोषणा
नेपाल सरकारके अनुरोधमे चीन सरकारसे कोभिड–१९ विरुद्धके तीन लाख केल खोप उपलब्ध करैना हुइल बा ।
अनुदानस्वरुप नेपाल सरकारहे प्रदान कैना उ खोप हालीसे हाली नेपालहे उपलब्ध करैना नेपाल सरकारके सम्बन्धित निकायसंग निकट सम्पर्कमे रहिके काम हुइटी रहल यहाँस्थित चिनियाँ राजदूतावास जनैले बा ।
विश्व स्वास्थ्य संगठनसे निर्धारण करल मापदण्डअनुरुप चीनमे उत्पादित उ खोपके प्रभावकारिता उच्च रहल जनाइल बा ।
