चरेशसहित दुई जाने पक्राउ

कञ्चनपुर, १९ माघ । कञ्चनपुरमे चरेशसहित दुई जनहनहे प्रहरी पक्राउ करले बा । पक्राउ परुइयामे बेदकोट नगरपालिका–९ के सुरेन्द्रराम लुहार ओ गोपाल चन्द रहल बटै ।

पक्राउ परल मन्से सुरेन्द्ररामसे तीन दशमलव १८० मिलिग्राम ओ गोपालसे १० दशमलव ८६० मिलिग्राम चरेश बरामद करल बा ।

चरेशके कारोवार हुइटी रहल सूचनाके आधारमे खानतलासी करेबेर अँटवार दुनुहुनहे चरेशसहित पक्राउ करल जिल्ला प्रहरी कार्यालय कञ्चनपुरके प्रहरी नायब उपरीक्षक अमरबहादुर थापा बटैलै । पक्राउ परल दुनहुनहे नियन्त्रणमे लेके ठप अनुसन्धान हुइटी रहल बा ।