दाहाल–नेपाल समूहसे आन्दोलनके कार्यक्रम घोषणा

काठमाडौँ, २१ माघ । प्रतिनिधिसभाके असंवैधानिक विघटन ओ संवैधानिक नियकामे सिफारिस करलहुक्रनहे शपथ ग्रहण कराके खटाइलपाछे नेकपाके दाहाल–नेपाल समूहसे आन्दोलनके कार्यक्रम सार्वजनिक करले बा ।

बुधके पेरिसडाँडामे पत्रकार सम्मेलन कैटी संघर्ष समितिके सह–संयोजक पम्फा भुसाल पूर्व निर्धारित कार्यक्रमहे परिमार्जन कैके बिफेक रोज आम हड्तालके घोषणा करल बटैली । देशभर आम हड्ताल कैना बाध्यता रहल प्रवक्ता एवं संघर्ष समितिके संयोजक नारायणकाजी श्रेष्ठ जानकारी डेलै ।

असंवैधानिक रुपमे प्रतिनिधिसभा विघटन करल कहटी दाहाल–नेपाल समूहसे टिसरा चरणके आन्दोलन कर्टी रहल बा । उक्त समूहसे २८ गते राजधानीमे बृहत प्रदर्शन कैना जनैले बा ।