कुक्रीनके बन्ध्याकरण तथा रेविज रोग बिरुद्ध खोप
पहुरा समाचारदाता
धनगढी, २५ माघ । धनगढी उपमहानगरपालिका अँट्वारके रोज सामुदायिक कुक्रीनके बन्ध्याकरण तथा रेविज रोग बिरुद्ध खोप शिविर आयोजना करले बा ।
सामुदायीक कुक्करीनके संख्या बृद्धि हुइ नैडेहक लाग ओ रेविज रोग रोकथामके लाग शिविरके आयोजना करल हो । शिविरमे हिमालयन एनिमल रेस्क्यू ट्रष्ट पोखरा सहकार्य करल धनगढी उपमहानगरपालिकाके नगरप्रमुख नृपबहादुर वड बटैलै ।
धनगढी उपमहानगरपालिकासे इ शिविर २८ गतेसम जारी राख्न जनाइल बा । चार दिनसम शिविर चल्ना बा नगरप्रमुख वड कहलै, ‘इ अवधीमे ४ सय सामुदायीक कुक्रीनके बन्ध्याकरण कैना लक्ष्य उपमहानगरपालिकासे लेले बा ।’
धनगढी उपमहानगरपालिका पशु स्वास्थ्य शाखा प्रमुख डा. समिर ठाकुरके अनुसार अँट्वारके ५२ ठो सामुदायीक कुक्रीनक बन्ध्याकरण करल जनैलै । जौन मध्ये २७ ठो सामुदायीक कुकनीया ओ २५ ठो सामुदायीक कुक्रा रहल बाटै ।
पशु स्वास्थ्य शाखाके प्रमुख डा. ठाकुर उपमहानगरपालिकासे सामुदायीक कुक्करीके बन्ध्याकरण कैना लक्ष्य पुरा हुइना बटैलै । बन्ध्याकरण पाछे कुक्रीनहे सुरक्षितसे छोरगैल बा ।
