धनगढीमे मोर भ्यालेन्टाईन कार्यक्रम आयोजना हुइना

पहुरा सामचारदाता
धनगढी,२८ माघ । भ्यालेन्टाईन डे के अवसरमे धनगढीमे मोर भ्यालेन्टाईन कार्यक्रम आयोजना हुइना बा । रकस्टार मिडियाके आयोजनामे १४ फ्रेबरीके दिन धनगढीमे मोर भ्यालेन्टाईन सिजन २ आयोजना हुई लागल पत्रकार सम्मेलन आयोजना करके जानकारी डेहल बा ।

पारिवारिक तथा जोडीहुकनहे भ्यालेन्टाईन डे के साँझ सांस्कृतिक कार्यक्रम सहितके मोर भ्यालेन्टाईन सिजन २ करे लागल रकस्टार मिडियाके रोशन महतो बटैलै । उहाँक अन्सार प्रति जोडीहे दुई हजार पाँच सय टिकट धारल बा । कलेसे छावा छाई सहिट तीन हजार पाँच सय रकम तोकल बा । ओम्ने आवश्यकता अन्सार खाना तथा और परिकार जटराफे खाई सेक्ही । फोटो खिच्न ओ टिकटक बनाइक लाग विशेष व्यवस्था उ कार्यक्रममे करल पत्रकार सम्मेलनमे जानकारी डेहल बा ।

प्रेम दिवस अर्थात (भ्यालेण्टाइन डे) के अवसरमे अविवाहित तथा विवाहित प्रेम जोडीहे एक ठाउँमे नन्ना ओ माया प्रेम साटासाट करैटी रमाइलो करैना उद्देश्यसे कार्यक्रम सञ्चालन करल रकस्टार मिडियाके सञ्चालक जितेन्द्र रावल बटैलै ।

कार्यक्रममे टिकट काटके गैल मन्से मन्से एक जनहनहे गोलाप्रथाके आधारमे २५ हजार ढेर मोल पर्ना जिवनी मोबाईल पुरस्कार समेत प्रदान करजाई । धनगढीके अपन घर टेम्पल रिर्पोटमे हुइना कार्यक्रमके मुख्य प्रायोजककमे जगदम्बा अल्को वेभरेजके उत्पादन ब्यारोन रहल बा कलेस सह प्रायोजकमे यामाहा रहल बा ।

ब्यारोनके आधिकारीक डिलर जिएआरएस ट्रेडिङ्ग कन्सर्न प्राली धनगढीसे प्रायोजन तथा स्वयता टे«डिङ प्रालिसे सह प्रयोजन करी ।

जिएआरएस ट्रेडिङ्ग कन्सर्न प्रालिके प्रबन्धक अशोक पाण्डे प्रेम दिवसमे परिवारहे एक आपसमे बैठके मायाप्रेम साटासाट कैना अवसर मिल्न बटैलै । ‘जिएआरएस ट्रेडिङ्ग कन्सर्नसे यैसिन छोट–छोट मने सामाजिक रुपमे विशेष महत्व डेना कार्यक्रममे विगतसे सहयोग करटी आइल बा ।’ उहाँ कहलै–‘मोर भ्यालेन्टाइन कार्यक्रमफे हेरेबेर छोट बा, मने यी समाजमे मजा सन्देश डेना ओरसे हम्रे सहयोग करल हुई ।’

स्वयता ट्रेडिङ्ग प्रालिके अध्यक्ष राजेश भण्डारीफे प्रेम दिवसहे आउर भव्य ओ रमाइलो बनैना कार्यक्रमके आयोजना करल कारण सहयोग करल बटैलै । धनगढीस्थित टेम्पल रिसोर्टमे सञ्चालन हुइना कार्यक्रममे पे्रम जोडी तथा परिवार सहित उपस्थित हुके रमाइलो कैना व्यवस्था कैना रकस्टार मिडियाके सञ्चालक जितेन्द्र रावल बटैलै । साँझके ६ बजेसे रात १० बजेसम सञ्चालन हुइना कार्यक्रममे स्थानीय कलाकार सांगितिक कार्यक्रम करही ।