धनगढीसे प्रेमराज ओ लुना मिस्टर एण्ड मिस थारुके लाग छनौट

पहुरा समाचारदाता
धनगढी, २९ माघ । टिसरा संस्करणके मिस्टर एण्ड मिस थारु २०२१ के अडिसन धनगढीमे सम्पन्न हुइल बा ।

वाइएसी इभेन्ट्सके सहकार्यमे जह इन्टरटेनमेन्टसे आयोजित इ प्रतियोगिताके पहिल चरणमे धनगढी स्थित थारु छात्रबासमे सम्पन्न हुइल हो । अडिसनसे प्रेम राज उमार ओ लुना चौधरी छनौट हुइल बाटै । जेकर जजमे युवा अभियन्ता ठाकुर करिया प्रधान, गायक राजु चौधरी (राज), नायक संगत थारु, सामाजिक अभियन्त सानु चौधरी, कोअर्डिनेटर देवित महतो लगायत रहल रहिट ।

अडिसन पश्चात छनौट हुइल प्रतिस्पर्धीहे काठमाण्डौंमे २५ दिनसम टमान विधामे प्रशिक्षण डेजैना बा । प्रतियोगिताके फाइनल चितवनके सौराहामे चैत्र ७ गते हुइना बा । प्रतियोगिताके विजेता नगद ५० हजार, फस्ट रनरअप ३० हजार, सेकेण्ड रनरअप २० हजार ओ टमान उपहार प्राप्त कैना जनाइल बा ।