इन्सेकसे शैक्षिक सामग्री वितरण
पहुरा समाचारदाता
सुर्खेत, ३० माघ । अनौपचारिक क्षेत्र सेवा केन्द्र (इन्सेक) सुर्खेतसे वीरेन्द्रनगर–१२ स्थित अम्मर ज्योति नमूना माविमे अध्ययनरत अभिभावक बिहिन २० जाने बालबालिकाहुकनहे शैक्षिक सामग्री प्रदान करले बा ।
बाल अधिकारमैत्री वातावरण प्रवद्र्धन करना उद्देश्यसे इन्सेक उ विद्यालयमे कक्षा ४ से ८ कक्षासम अध्ययनरत अविभावक बिहिन तथा सिमान्तकृत समुदायके बालबालिकाहुकनहे जनहि एक दर्जन कापी, एक दर्जन डटपेन ओ ज्यामिट्री बक्स प्रदान करल इन्सेक कर्णाली प्रदेश कार्यालयके फोकल पर्सन दिलबहादुर चौधरी जानकारी डेलैं ।
शैक्षिक सामग्री फिनल्याण्डके बालबालिकाहुकनक खाजा तथा पारिश्रमिक बापत प्राप्त हुइल रकमसे विद्यालयमे शैक्षिक सामग्री वितरण करल इन्सेकके कर्णाली प्रदेश कार्यालय संयोजक नारायण सुवेदी बटैलैं ।
विद्यालयके प्रधानाध्यापक खगेन्द्र थापा यी सहयोगसे बालबालिकाहुकनके अध्ययन दिगोपनके लाग सहयोग पुग्ना बटैलैं ।
