एलपिएल–५ मे डिस होम जोरगिल

पहुरा समाचारदाता
धनगढी,२ फागुन । फागुन १४ से २४ गतेसम धनगढीमे आयोजना हुइना चण्डिका ग्रुप लिटल फ्लावर प्रिमियर लिग– ५ के सह प्रायोजकके रुपमे डिस होम जोरल बा । संघीय प्रहरी इकाई कार्यायलके खेल मैदानमे सञ्चालन हुइना विद्यालय स्तरीय यु– १९ राष्ट्रिय क्रिकेट प्रतियोगिताके सह– प्रायोजकके रुपमे डिस होम मिडिया नेटवर्क जोरल हो ।
प्रायोजन सम्बन्धी सम्झौता पत्रमे डिस होमके ओरसे सेल्स अफिसर लक्ष्मीराज जोशी ओ आयोजक लिटल फ्लावर स्पोटर्स एण्ड ईभेन्ट्सके अध्यक्ष रामचन्द्र शाहीके बीचमे हस्ताक्षर हुइल बा । डिस होम नेपालके एक ठो डिटिएच सेवा प्रदायक हो ।