एलजीबीटी समुदायके मानव अधिकार सरक्षण कार्याशाला
पहुरा समाचारदाता
धनगढी, ७ फागुन । लैङिक तथा यौनिक अल्पसंख्यक समुदायके मानव अधिकार सरक्षण ओ प्रवद्र्धनके सम्बन्धी कार्याशाला हुइल बा ।
कमुनिति सेलुसन इनिसियटिभ नेपालके आयोजनामे हुइल कार्यक्रम स्थानीय संयोजक आरडीआरसी, समन्वय सहकार्य सुदूरपश्चिम समाज ओ धनगढी उपमहानगरपालिका करले रहे ।
कार्यक्रमके वडका पहुना धनगढी उपमहानगरपालिकाके उपप्रमुख सुशीला मिश्र भट्ट समाजमे लैङिक तथा यौनिक अल्पसंख्यक समुदायहे हेर्ना दृष्टि सकारात्मक हुई पर्ना बटैली । उहाँ कहली, सक्कुहुन प्रति सकारात्मक सोच रख्लेसे समाज अपनही परिवर्तन हुइना बटैलै ।
जिल्ला निर्वाचन अधिकृत प्रेम भट्ट लैङिक तथा यौनिक अल्पसंख्यक समुदायके तथ्याङक संकलनमे जोड डेहल रहिट । उहाँ कहलै, जिहीसे स्थानीय तहमे ओइनके जनसंख्याके आधारमे कार्यक्रमके लाग बजेट विनियोजन करे सेक्जाई ।
ग्राम विकास तथा अनुसन्धान केन्द्रके निर्देशक दीर्घराज उपाध्याय लैङिक तथा यौनिक अल्पसंख्यक समुदायके सामाजिक सुरक्षाके लाग संचारमाध्यमके महत्वपूर्ण भूमिका रहल बटैलै ।
ईकाई बार एशोसियसनके सचिव प्रेम शाही, लैङिक तथा यौनिक अल्पसंख्यक सिमरन सेरचन लगायत आपन बाट रख्ले रहिट ।
कार्यक्रममे लैङिक तथा यौनिक अल्पसंख्यक समुदायके हकअधिकार ओ अवस्थाबारे कार्यपत्र राज लामा करले रहिट । कलेसे संचालन ग्राम विकास तथा अनुसन्धान केन्द्रके जिल्ला कार्यक्रम संयोजक ठाकुरप्रसाद करियाप्रधान करले रहिट ।
