वडाके गतिविधि नगरप्रमुखके कार्यकक्षसे अवलोकन करे मिल्ना

पहुरा समाचारदाता
धनगढी, १४ फागुन । धनगढी उपमहानगरपालिका वडा कार्यालयके गतिविधि नगरप्रमुखके कार्यकक्षसे अवलोकन करे सेक्ना व्यवस्था करल बा ।

उपमहानगरपालिकाके सक्कु १९ वडा कार्यालयमे सम्पादन हुइटीरहल काम, सेवाग्राही सेवा लेटीरहल अवस्था नगरप्रमुखके कार्यकक्षमे जरान करल कम्यूटर स्क्रीनमे हेरे सेक्ना व्यवस्था मिलाइल बा ।

धनगढी उपमहानगरपालिकाके नगरप्रमुख नृपबहादुर वड सूचना प्रविधिके क्षेत्रमे उल्लेख्य प्रगति हुइल बटैलैं । वडाबसे सम्पादन करना कामके उपमहानगरपालिकासे अनुगमन करे सेक्ना हुइल बा, नगरप्रमुख वड कलैं, योजनाके नागरिक तहसे अवलोकन करना सुझाव डेहेक लाग आईएमएस धनगढी एप संचालनमे नन्ले बाटी ।’

धनगढी उपमहानगरपालिका खुला सरकारके अवधारणाहे पूर्ण रुपमे आत्मसाथ करके आघे बह्रना नगरप्रमुख वड बटैलैं ।