देवहरिया सावउसके १७ औं साधारण सभा
पहुरा समाचारदाता
धनगढी, १५ फागुन । धनगढी उपमहानगरपालिका वडा नम्बर ७ स्थित देवहरिया सामुदायिक वन उपभोक्ता समूहके १७ औं साधारण सभा शनिच्चरके रोज उसरल बा ।
डिभिजन वन कार्यालय धनगढीके प्रमुख रामचन्द्र पौडेल उद्घाटन करल कार्यक्रम सावउसके अध्यक्ष भजन रानाके अध्यक्षता हुइल रहे ।
कार्यक्रममे समूहके कोषाध्यक्ष भागीराम चौधरी आर्थिक वर्ष २०७६/०७७ के ३५ लाख ७७ हजार ३ सय ९१ रुप्या बराबरके आर्थिक प्रतिवेदन प्रस्तुत करले रहैं । अस्टेक, लेखा संयोजक भुवन सिंह बोहरा आर्थिक वर्ष २०७७/०७८ के अनुमानित आर्थिक प्रतिवेदन ओ सचिव संगिना जाग्री समूहके वार्षिक प्रगति प्रतिवेदन प्रस्मुत करले रहि ।
कार्यक्रममे धनगढी उपमहानगरपालिका वडा नम्बर ७ के वडाध्यक्ष सीताराम राना, सामुदायिक वन उपभोक्ता महासंघके अध्यक्ष डण्डीराज सुवेदी, पटेला सावउसके सचिव चन्द्रा चौधरी, गाउँ भल्मन्सा जगतराम राना लगायत शुभकामना मन्तव्य व्यक्त रहले रहैं ।
