काँग्रेस संविधानहे सर्वोपरी राखके किल निर्णय करी: साउँद
पहुरा समाचारदाता
धनगढी, १६ फागुन । नेपाली काँग्रेसके नेता एनपी साउँद संविधान ओ लोकतन्त्रहे सर्वोपरी राखके किल पार्टी संसदीय प्रक्रियामे सहभागिताके बारेम निर्णय कैना बटैले बावै ।
नेपाल प्रेस युनियन कैलालीसे अँट्वारके दिनके धनगढीमे आयोजना करल पत्रकार सम्मेलनमे उहाँ संविधान ओ लोकतन्त्रहे सर्वोपरी राखके किल पार्टी संसदीय प्रक्रियामे सहभागिताके बारेम निर्णय कैना बटाइल हुइट ।
नेता साउँद कहलै, ‘व्यक्तिगत रुपमे हम्रे ओली प्रचण्ड किहुसे सहकार्य नैकरब । उहाँहुक्रनके पार्टी विभाजन हुइना हो कलेसे नीति, कार्यक्रम ओ योजना रहल पार्टीसे हमार सहमति रही । कांग्रेससे मुलुकके संविधान, प्रजातन्त्र सर्वोपरी राखके किल निर्णय करी ।’
उहाँ अब्बे काँग्रेस सत्तारुढ नेपाल कम्युनिस्ट पार्टी (नेकपा) के गतिविधि नियाल्टी रहल फेन बटैलै । नेकपाके डुनु पक्षसे घरी घरी सत्ता साझेदारीके प्रस्ताव अइलेसे फेन काँग्रेसके लाग प्रधानमन्त्री पद महत्वपूर्ण नै रहल नेता साउदके कहाइ रहे । उहाँ नेकपाके विवाद टुंगो नै लागटसम काँग्रेस सरकारमे जैना ओ एक समूहसे लग्गे ओ औरे समूहसे डुर नैरहना बटैलै ।
