धार्मिक अगुवासंग कानुनी व्यस्थाबारे अन्तरक्रिया
पहुरा समाचारदाता
धनगढी, १८ फागुन । धनगढी उपमहानगरपालिका, न्यायिक समिति सोम्मार नगरके भलमान्सा तथा धार्मिक अगुवाहुकनसंगे प्रचलित कानुनी व्यवस्थाके बारेमे अन्तरक्रिया सम्पन्न करले बा ।
न्यायिक समितिहे सम्पादन कैनामे सहयोग पुगे कहिके भलमान्सा तथा धार्मिक अगुवा संगे अन्तरक्रिया करगिल हो । धनगढी उपमहानगरपालिकाके उपप्रमुख तथा न्यायिक समितिके संयोजक सुशीला मिश्र भट्ट अब्बे फेन समाजमे भलमान्सा तथा धार्मिक अगुवाहुकनप्रतिके विश्वास रहल बटैलिन् ।
भलमान्सा तथा धार्मिक अगुवाहुक्रे प्रचलित कानुनके बारेमे जानकारी कराई सेक्लेसे समाजमे र्हुइना छुटीछुटी विवाद ओ झै झगडा उहाँहुक्रे कानुनी डगरासे समाधान करे सेकही उपप्रमुख भट्ट कहलिन, ‘टबेमारे उहाँहुकन संगे अन्तरक्रिया राखल हो ।’
उपप्रमुख भट्ट सामाजिक कानुनमे टेक्के सामाजिक अगुवाहुसकनसे खोजजैना समाधानके कारण टमान बिवाद ओ प्रचलित कानुनी प्रावधानमे टेक्के सम्पादन करे खोजेबेर समस्या हुइना करल बटैलिन् । उहाँ कहलिन, ‘यि अन्तरक्रियासे आगामी दिनमे न्याय सम्पादनमे सहजिल बनाई ।’
कार्यक्रममे बोल्टी धनगढी उपमहानगरपालिकाके प्रमुख प्रशासकिय अधिकृत हरिबहादुर चन्द संविधानसे स्थानीय सरकारहे न्यायीक अधिकार डेहल बटैलै । उहाँ कहलै, ‘समाजमे हुइना बिवाद समाधानके लाग न्यायिक समितिसे भलमान्सा तथा धार्मिक अगुवाहुकन संगे मजा अन्तरक्रिया करल बा ।’
कार्यक्रममे धनगढी उपमहानगरपालिकाके कानुनी सल्लाहकार भरतबहादुर सिंह सहजीकरण करल रहिट ।
