चन्द समूहउप्परके प्रतिबन्ध फुकुवा

काठमाडौं, २० फागुन । सरकार नेत्रविक्रम चन्दके नेतृत्वमे रहल नेपाल कम्युनिष्ट पार्टीउप्पर लगाइल प्रतिबन्ध फुकुवा करले बा । बिफेक रोज चन्द समूहसँग हुइल तीन बुँदे सहमतिमे प्रतिबन्ध फुकुवा करना उल्लेख करले रहे । यी सहमतिहे बिफके साँझ मन्त्रिपरिषद् बैठकसे अनुमोदन करल एक मन्त्री जानकारी डेलैं ।

शुकके रोज सहमति घोषणा करना विशेष कार्यक्रममे चन्द सार्वजनिक हुँइटा । कार्यक्रमहे प्रधानमन्त्री केपी शर्मा ओली ओ चन्द सम्बोधन करना तयारी बा ।

हिंसात्मक गतिविधिहे आघे बह्रैटी शान्तिपूर्ण वार्तामे आइना नैमानलपाछे केपी ओली नेतृत्वके सरकार २०७५ फागुन २८ गते चन्द समूहउप्पर प्रतिबन्ध लगाके आपराधिक समूहके रुपमे उहिनहे चित्रित करले रहे ।