दोहोरो भिडन्तमे मारल भारतीय नागरिकके पहिचान खुलल

पहुरा समाचारदाता
धनगढी, २१ फागुन । कञ्चनपुरमे प्रहरी ओ तस्करबिचके दोहोरो भिडन्तमे गोली चलेबेर मृत्यु हुइल भारतीय नागरिकके पहिचान खुलल बा ।

बिफेक रोज बेलौरी नगरपालिका–७ स्थित नेपाल–भारत सीमा लग्गे हुइल दोहोरो भिडन्तके क्रममे भारतके पिलीभितके अन्दाजी २५ वर्षीय गोविन्द सिंहके मृत्यु हुइल प्रहरी जनैले बा ।

मृतक सिंहसहितके कुछ भारतीयसे नेपालओर सामान तस्करी करटी रहल अवस्थामे गोली चलल जिल्ला प्रहरी कार्यालय कञ्चनपुरके प्रवक्ता प्रहरी नायब उपरीक्षक अमर बहादुर थापा बटैलै ।

उहाँक अन्सार गस्तीमे खटल प्रहरीउप्पर तस्करसे गोली चलाइलपाछे फायर खोले परल हो । उ घटना बिफेक साँझ करिब साढे ६ बजेओर हुइल रहे ।