धनगढीके फर्निचर उद्योगमे आगलागी

पहुरा समाचारदाता
धनगढी, २२ फागुन । कैलालीके धनगढी उपमहानगरपालिका–४ चटकपुरस्थित एक फर्निचर उद्योगमेआगी लागल बा । आगी अभिन नियन्त्रणमे आइल नैहो ।

आलोक मल्टी कन्सर्न प्रालिमे आज दिनके १२ बजेओर आगी लागल रहे मने लगभग १ घण्टापाछे किल दमकल पुगल स्थानीय बटैले बाटैं ।

आगी लागल स्थानमे गोदावरी नगरपालिका ओ धनगढी उपमहानगरपालिकाके दमकल आइल रहे मने धनगढीके दमकलमे पानी समेत नैरहल स्थानीय बटैले बाटैं । उ दमकल फेन पानी भरे गिल रहे ।

उद्योगमे लगभग ५ करोडके सामान रहल आलोक मल्टी कन्सर्न प्रालि जनैले बा । उ आगलागी हुइल स्थानसे नेपाल आयल निगमके डिपो करिब १०० मिटरके दुरीमे बा । आगलागीके कारण नैखुलल प्रहरीले जनैले बा ।