एलपीएल प्रतियोगितामे शारदाके डुसरा जित

पहुरा समारचारदाता
धनगढी, २३ फागुन । धनगढीमे जारी चण्डिका ग्रुप लिटल फ्लावर प्रिमियर लिग (एलपीएल) क्रिकेट प्रतियोगितामे शारदा स्कुल डुसरा जित निकरले बा ।

अँट्वारके हुइल खेलमे विद्या भूषणहे ४ विकेटसे पराजित कैटी शारदासे डुसरा जित निकारल हो । संघीय प्रहरी इकाई कार्यालयके खेल मैदानमे पहिले ब्याटिङ करल विद्या भुषणसे २० ओभरमे ९ विकेट गुमाके १ सय ३३ रन बनाइल रहे । ओकर लाग शेर मल्ल ४३ ओ कप्तान विरेन्द्र नाथ ३८ रन बनाइल रहिट ।

शारदाके कुम्बा देउवा ३ तथा अविशेक पाल ओ सिफ्टेन अन्सारी २/२ विकेट लेहल रहिट । विद्या भुषणसे डेहल १ सय ३४ रनके लक्ष्य शारदासे १९ ओभर २ बलमे ६ विकेट गुमाके पूरा करल । शारदाके जितमे लक्की कडायतसे ६७ रनके अर्धशतकीय पारी खेलल् रहिट । उहाँ खेलके प्लेयर अफ दि म्याच समेत चुनगैलै । विद्या भुषणके नरेन साउद ३ विकेट लेहल रहिट ।

अँट्वारके खेलमे शारदा विजयी हुइलसंगे शारदा ओ विद्या भूषणके समान ४ अंक हुइल बा । आज सोम्मारके हुइना त्रिनगर मावि ओ लिटल फ्लवारबीचके खेलसे सेमिफाइनल पुग्ना टोलीके टुङगो लाग्न बा । लिटल फ्लवारसे २ खेलमे एक जित ओ एक हार बेहोरले बा कलेसे त्रिनगर डुनु खेल गुमैले बा ।

प्रतियोगितामे १६ टिमके सहभागिता रहल बा । विजेता १ लाख २० हजार पैना बा । ओस्टके उपविजेता ६० हजार प्राप्त करेबर सर्वोत्कृष्ट खेलाडी १० हजार पैना बावै । उत्कृष्ट ब्याट्सम्यान, बलर ओ उदयमान खेलाडी ५÷५ हजार पैना बाटै ।