राष्ट्रिय समावेशी म्युजिक अवार्डके लाग गायक चौधरी मनोनयन
पहुरा समाचारदाता
धनगढी, २५ फागुन । चौठा राष्ट्रिय समावेशी म्युजिक अवार्डके लाग थारु भाषा ओर थारु गायक तथा मोडल मनोनयमा परल बाटै ।
मंगरके काठमाडौंमे हुइल एक कार्यक्रमके बिच उहाँहुक्रनहे मनोनयन हुइल प्रमाणापत्र डेहल बा । उहाँहुक्रनके अभिनय करल म्युजिक भिडियो, गीतमे अभिनय तथा गायनके आधारमे मनोनयनमे पर्ना सफल हुइलहो । मनोनयमे परुइयामे गायन ओर थारु लोक गायक राजु चौधरी ‘धडकन बनके’, सोमती थारु ‘चाहे कहो मदुवा’ रहल बाटै ।
ओस्टके मोडलिङ तर्फ थारु नायक तथा मोडल संगत चौधरी ‘खोजटु मै’, सुनिता दहित ‘बाबाके सगरवा’ ओ समु चौधरी ‘लेहेंगा चोल्याम’ रहल बाटै । मनोनयनमे परल इ पाँच गीत तथा भिडियो सिएस फिल्मस् प्रालिसे निर्माण हुइल हो ।
मनोनयन हुइलसंगे उहाँहुक्रे आपनहे जिटाइक लाग भोटके अपिल करले बाटै । गायक राजु चौधरी आपनहे भोट कैके जिताइक लाग सक्कु दर्शक तथा स्रोताहे अनुरोध करले बाटै ।
