बरघर/भलमन्साहुकन मेलमिलाप तालिम
पहुरा समाचारदाता
लम्की, २८ फागुन । ‘दिगो शान्तिके लाग उन्नत सम्बन्ध’ कना मुल नाराके साथ कैलालीके लम्की चुहा नगरपालिकाके बरघर/भलमन्साहुकनके लाग मेलमिलाप सम्बन्धी तीन दिवसिया पुनर्ताजकीय शुरु हुइल बा ।
प्राकृतिक स्रोत द्वन्द्व रुपान्तरण केन्द्र नेपालके आयोजना तथा लम्की चुहा नगरपालिकाके सहयोगमे सुरु हुइल तालिम उद्घाटन कार्यक्रमके वडका पहुना नगर प्रमुख महादेव बजगाई रहल रहिट ।
न्यायिक समिति संयोजक टीका थापाके अध्यक्षतामे हुइल कार्यक्रममे प्रमुख प्रशासकीय अधिकृत धर्मराज बिनाडी, वडा नम्बर १ वडाध्यक्ष जनक बम, वडा नम्बर ३ के वडाध्यक्ष भक्तबहादुर चलाउने, प्राकृतिक स्रोत द्वन्द्व रुपान्तरण केन्द्र नेपालके कार्यकारी निर्देशक चुपबहादुर थापा, पश्चिम क्षेत्रके क्षेत्रीय संयोजक बल्लु चौधरी, कैलाली जिल्ला संयोजक नेत्रप्रसाद खनाल, नगरपालिकाके नासु मनिराम खनाल लगायतके पहुना सहभागी रहिट ।
कार्यक्रमके सञ्चालन दीपु चौधरी ओ स्वागत मन्तव्य नेत्रप्रसाद खनाल करल रहिट । चैत १ गतेसम चल्ना तालिमके उद्घाटन ब्यानर बाचन कैके कैगिल रहे ।
