सुर्खेतमे थारु महिला सभा गठन
पहुरा |
१ चैत्र २०७७, आईतवार
पहुरा समाचारदाता
सुर्खेत, १ चैत । थारु कल्याणकारिणी सभाके भातृसंगठन थारू महिला सभाके सुर्खेत शाखा गठन हुइल बा ।
सभाके केन्द्रीय अध्यक्ष हरिदेवी चौधरीक बर्का पहुनाइमे सनिच्चरके हुइल थारू महिला सभाके पहिला जिल्ला अधिवेशनसे लावा समिति छानगैलक हो ।
अधिवेसनसे सभापतिम राजकुमारी चौधरी, उपसभापति शान्ति चौधरी, सचिवम रुपा चौधरी, सहसचिवम सोनकुमारी चौधरी, कोषाध्यक्षम कृष्णा चौधरी छान गैल बाटै ।
ओस्टहक सदस्यमे पार्वती चौधरी, मञ्जु चौधरी, संगिता चौधरी, उषा चौधरी ,बसन्ता चौधरी, निर्मला चौधरी लक्ष्मी चौधरी निर्वाचित हुइल बाटै ।
