गोहुँ विज बृद्धिके अनुगमन
पहुरा समाचारदाता
हसुलिया, ७ चैत । कैलारी–६, खरुवाखेरास्थित जनवातावरण बचत तथा ऋण सहकारी संस्था लिमिटेड शनिच्चरके रोज गोहुँ विज बृद्धिके अनुगमन करले बा ।
ली वर्डके सहकार्यमे सञ्चालित विउ प्रणाली सुधार कार्यक्रम अन्तर्गत वडाके बेनौलीके उज्जवल कृषक पाठशाला समूहके करल गोहुँ विज बृद्धिके अनुगमन करल हो । उ समूह ११ जातके गोहुँक विज बृद्धि करले बा ।
कैलारी गाउँपालिकाके उपाध्यक्ष लक्ष्मी सत्गौंवा बर्का पहुना रहल अनुगमनमे ली वर्डके अधिकृत सहदेव केसी, प्राविधिक सहायक ललिता आले मगर, ६ नम्बर वडाध्यक्ष प्रेमबहादुर चौधरी, ३ नम्बर वडाध्यक्ष कैलाश कुश्मी, कार्यपालिकाके सदस्य रञ्जिता चौधरी, गाउँपालिका योजना अधिकृत सन्तोष चौधरी, सुपरजोनके अध्यक्ष रमेश चौधरी, कृषि शाखाके मैया चौधरीलगायतके उपस्थिति रहे ।
कार्यक्रम सहकारीके अध्यक्ष गीतादेवी चौधरीके अध्यक्षतामे हुइल रहे । ली वर्डके सहजकर्ता सम्पत चौधरी कार्यक्रमके सञ्चालन करले रहैं ।
