गौरीफन्टा नाकासे कैलाली प्रवेश करल ११ जानेमे कोरोना पुष्टि

धनगढी, ११ चैत । भारतके टमान शहरसे गौरीफन्टा नाका हुके कैलाली प्रवेश करल ११ जानेमे कोरोना संक्रमण पुष्टि हुइल बा ।

पछिल्का ४/५ दिनमे गौरीफन्टा नाका हुके कैलाली प्रवेश करल ११ जानेमे संक्रमण पुष्टि हुइल हो । कैलालीके प्रमुख जिल्ला अधिकारी खगेन्द्रप्रसाद रिजाल ११ जानेमे संक्रमण डेखाइल पुष्टि करलैं ।

भारतसे लौटल नेपालीमे संक्रमण डेखाइल लागलपाछे सतर्कता बह्राइल बा । अस्टेक भारतके टमान राज्यमे कोभिड संक्रमण बह्रलपाछे सुदूरपश्चिमके कैलाली ओ कञ्चनपुरके सीमा नाकामे प्रदेश सरकार हेल्थ डेस्क स्थापना करले बा ।