खाद्य अधिकार संजालके प्रतिनिधिहुकनके लाग खाद्य अधिकार गोष्ठी
पहुरा समाचारदाता
अत्तरिया, १४ चैत । खाद्य अधिकार संजालके प्रतिनिधिहुकनके लाग खाद्य अधिकार अवधारणा ओ खाद्य अधिकार हननके सवाल दस्तावेजीकरण सम्बन्धी दुई दिने अभिमुखीकरण हुइल बा ।
याक नेपालके आयोजनामे हुइल कार्यक्रममे सहजीकरण सर्जुप्रसाद चौधरी, देवीलाल खनाल करले रहिट ।
उहे विच दुई दिनके छलफलपाछे खाद्य अधिकार हनन सम्बन्धी वकालत कैना पाँच मागपत्र सहिट प्रेस स्टेटमेन्ट निकारल बा ।
जेम्न नगरपालिकामे जनताके खाद्य अधिकार सुनिश्चितताके लाग खाद्य अधिकार तथा खाद्य सम्प्रभुता सम्बन्धी ऐन २०७५ के दफा ३० मे व्यवस्था रहल नगर प्रमुखके अध्यक्षतामे गठन करे सेक्ना, स्थानीय खाद्य समन्वय समिति हाली गठन करे पर्ना, नगरपालिका पोषण योजना निर्माण करके हाली लागु करे पर्ना, गोदावरी नगरपालिका वडा नम्बर ५ बसोबास करटी रहल मुक्तकमैया परिवारहे हाली विद्युत सेवा उपलब्ध कराई पर्ना, राज्यसे प्रदान कैना सेवा सुविधाके जिविकोपार्जनमे सहयोग करे पर्ना, उ बस्तीमे बैठल मुक्तकमैयाहुकनहे हाली पुनस्र्थापना करे पर्ना, गौरीगंगा नपा–१ पिपटोलमे शौचालय खानेपानी, विद्युत सेवा उपलब्ध नइहुइल ओरसे ओकर व्यवस्था करे माग करल बा ।
गौरीगंगा नपा–५ गेटी, वडा नम्बर १ पिपल टोल, वडा–१० शान्ति टोलमे बैठटी आइल मुक्तकमैया, मुक्तहलिया, दलित, भुमिहिनहुकनके अपन नाउँमे जग्गा नइरहल ओरसे अनुदानके व्यवस्था करे पर्ना, मुक्तकमैया, मुक्तहलियाके लगत संकलन करे पर्नाफे माग करल बा ।
