सरकारी वार्ता टोली ओ आन्दोलन परिचालन समिति विच वार्ता सुरु

काठमाडौं, १७ चैत । टमान माग धारके आन्दोलनरत थारु कल्याणकारी सभा, थरुहट÷थारुवान संयुक्त संघर्ष समिति केन्द्रीय आन्दोलन परिचालन समितिके वार्ता टोली ओ गृहमन्त्री रामबहादुर थापा बादलके संयोजकत्वमे गठित सरकारी वार्ता टोलीबीच मंगरके रोज पहिल चरणके वार्ता सुरु हुइल बा । थरुहट÷थारुवान सयुंक्त संघर्ष समितिके महासचिव प्रेमीलाल चौधरी दुई पक्षबीच वार्ता सुरु हुइल जानकारी डेलै ।

सरकारी वार्ता टोलीमे प्रधानमन्त्रीके परराष्ट्र मामिला सल्लाहकार डा.राजन भट्टराई ओ पूर्व सांसद भगवती चौधरी सदस्य रहल बटै । थरुहटके ओरसे रुक्मिणी चौधरीके संयोजकत्वमे प्रेमीलाल चौधरी, पदमनारायण चौधरी, चन्द्रबहादुर चौधरी ओ प्रभात चौधरी रहल वार्ता टोली रहल बा ।
टिकापुर घटनामे थारु कल्याणकारी सभाके अध्यक्ष धनीराम चौधरी, सांसद रेशम चौधरी लगायत उप्पर लगाइल मुद्दा फिर्ता करे पर्ना, थरुहट आन्दोलनके क्रममे मुवलहुकनहे सहिद घोषणा करे पर्ना, लोकसेवा आयोग लगायत राज्यके टमान निकायमे थारु समुदायके लाग अलगे आरक्षणके व्यवस्था करे पर्ना सहितके १९ बुँदे माग धारके कुछ दिनसे ओइने आन्दोलनमे बटै ।