प्रहरी हुँ कहटी पैसा मगुइया दुई पक्राउ

पहुरा समाचारदाता
धनगढी, १९ चैत । सादा पोशाकमे खटल प्रहरी हु कहटी पैसा मगुइया दुई जाने पक्राउ परल बटै ।

पक्राउ परलमे कैलाली धनगढी उपमहानगरपालिका वडा नम्बर ५ बैठना वर्ष २३ के वीरेन्द्र सिंह ओ नम्बर २ बैठना वर्ष २५ के पारस मल्ल रहल बटै । विशेष सूचनाके आधारमे सुदूरपश्चिम प्रदेश प्रहरी कार्यालय दिपायल ओ जिल्ला प्रहरी कार्यालयसे खटल प्रहरी टोली विफेक रोज ओइनहे पक्राउ करल प्रहरी सह प्रवक्ता हिक्मत बहादुर थापा जनैलै ।

धनगढी उपमहानगरपालिका वडा नम्बर ८ स्थित व्यापारीसे नगद पाँच हजार माग करल अवस्थामे पक्राउ करके अनुसन्धान हुइटी रहल जनैलै ।

ओइने और स्थानसे समेत लुटपाट करल तथा पैसा माग करल हुई सेक्ना ओरसे ओइनके हुलियाके आधारमे पहिचान हुइलेसे यी कार्यालयमे सम्पर्क रख्ना जिल्ला प्रहरी कार्यालय अनुरोध करले बा ।