सरस्वती सावउसके तेसर साधारण सभा

पहुरा समाचारदाता
भजनी, २२ चैत । भजनी नगरपालिका वडा नम्बर ९ गन्जहुवास्थित श्री सरस्वती सामुदायिक वन उपभोक्ता समूहके शनिच्चरके रोज तेसर वार्षिक साधारण सभा तथा सर्वजानिक सुनुवाइ कार्यक्रम निम्जल बा ।

समूहके अध्यक्ष बुधराम चौधरीके घरगोसियामे हुइल कार्यक्रममे बर्का पहुना पचमुडिया सव डिभिजन वन कार्यालयके मानबहादुर चौधरी रहिट ।

उ अवसरमे समूहके सदस्य भीमबहादुर बम आर्थिक वर्ष २०७६/०७७ के १८ लाख ७३ हजार ५ सय ६ रुप्या बराबरके आयव्यय प्रस्तुत करले रहैं ।

कार्यक्रममे प्रहरी चौकी गन्जहुवाके प्रमुख किसनबहादुर चन्द, सयपत्री सरस्वती सामुदायिक वन उपभोक्ता समूहके पदम चौधरीलगायत शुभकामना व्यक्त करले रहैं ।

समूहके सदस्य सन्तराम चौधरी स्वागत करल कार्यक्रमके सञ्चालन सचिव भीमबहादुर बडुवाल करले रहिट ।