लागु औषध सहित एक पक्राउ

कञ्चनपुर, २७ चैत । जिल्ला प्रहरी कार्यालय कञ्चनपुरसे लागु औषध सहित एक जनहनहे पक्राउ करले बा ।

लागु औषध नियन्त्रण ब्यूरो शाखा कार्यालय कञ्चनपुर ओ जिल्ला प्रहरी कार्यालय कञ्चनपुरके संयुक्त टोली विशेष सूचनाके आधारमे वेदकोट नगरपालिका ९ के २८ वर्षिय दीपक पालहे पक्राउ करल हो ।

पालहे भीमदत्त नगरपालिका–१८ बजारमे शंका लागके चेकजाँच करेबर ओहकानठन ७.३८ ग्राम लागु औषध (खैरोहिरोईन) ओ ३८ हजार ६ सय २४ रुपैयाँ सहित नियन्त्रणमे लेहल जिल्ला प्रहरी कार्यालय कञ्चनपुरके प्रहरी प्रवक्ता प्रहरी नायव उपरीक्षक अमर थापा जानकारी डेले बाटै । उहाँहे नियन्त्रणमे लेके थप अनुसन्धान हुइटी रहल उहाँ बटैलै ।