सुदूरपश्चिम प्रदेशसे लोकसेवा विज्ञापन खोल्न तयारी
पहुरा समाचारदाता
धनगढी, २८ चैत । सुदूरपश्चिममे प्रदेश लोक सेवासम्बन्धी कानुन बनल २० महिनापाछे आयोग गठन करल बा ।
यज्ञराज बोहराके अध्यक्षतामा गठन हुइल सुदूरपश्चिम लोक सेवा आयोगमे लक्ष्मण खड्का ओ भागरथी राना सदस्य रहल बाटै ।
आयोगसे नयाँ वर्षसे पदपूर्तिके विज्ञापन कैके प्रदेशसे कर्मचारी भर्ना प्रक्रिया आघे बह्रैना तयारी करले बा । सुदूरपश्चिम प्रदेशमे अब्बे फेन ३९ प्रतिशत कर्मचारी दरबन्दी रिक्त रहल बाटै । रिक्त दरबन्दीमे तत्काल कर्मचारी भर्ना प्रक्रिया आघे बह्रैना आयोगके तयारी रहल बा ।
प्रदेशभर २ हजार ३ सय ११ कर्मचारीके दरबन्दी रहलमे चार सय ७० जाने प्राविधिक ओ चार सय ६३ जाने अप्राविधिक कैके नौ सयसे ढिउर कर्मचारीके पद अब्बे फेन रिक्त रहल बा । कर्मचारीके पदपूर्ति कैना लोकसेवाहे स्वतन्त्र रूपमे काम करे डेके ओकर प्रभावकारिता बह्राइ पर्ना प्रदेश सरकारके कहाइ बा ।
