झुलुङ्गे पुल उद्घाटन

पहुरा समाचारदाता
मसुरिया, २९ चैत । गौरीगंगा नगरपालिका ९ स्थित जरही कटान ओ शान्तिपुर जोरना झुलुङ्गे पुलके उद्घाटन हुइल बा ।

मसुरिया बजारसे ४ किलोमिटर दक्षिण हाईबेके लाग्गे रहलेसे फेन लदियाके कारण बहुट दुर रहे । अक्के वडा अक्के गाउँ मने लदिया हुईल कारण अवातजावतमे समस्या रहल स्थानीय बटैले बाटैं । मने पुल बनल पाछे करिव ३०० घरधुरि परिवार प्रत्येक्ष लाभ लेना गौरीगंगा नगरपालिका ९ के वडाध्यक्ष हरि तिवारी बटैलैं ।

गौरीगंगा नगरपालिकाके नगरप्रमुख भिम देउवा अँट्वारके रोज एक कार्यक्रमके बीच पुलके उद्घाटन करले रहैं । ५२.६ मिटर लम्मा पुल निर्माणमे ५५ लाख ७५ हजार ३ सय १४ रुप्या लागल रहे ।