धनगढी उपमहानगरपालिकामे घटनादर्ता शिविर सुरु
पहुरा समाचारदाता
धनगढी, २ बैशाख । धनगढी उपमहानगरपालिकासे घटनादर्ता करे छुटलहुकनहे समेट्न उदेश्यसे बिफेक रोजसे घटनादार्ता अभियान अन्तरगत शिविर संचालन करले बा ।
उपमहानगरपालिकासे अभियानके पहिल दिन वडा नम्बर १ के सरस्वती आधारभुत विद्यालय कटान, वडा नम्बर २ के शारदा मावि वैय्यावेहडी ओ वडा नम्बर ३ के जनता आधारभूत विद्यालय विशालनगरमे शिविर संचालन करल बा ।
धनगढी उपमहानगरपालिका घटनादार्ता अभियानके संयोजक लेखनाथ ओझा घटनादार्ता शिविरमे आके पहिल दिनमे दुईदर्जनसे ढेर सेवा लेहल बटैलै । विफेसे सुरु हुइल अभियान बैशाख १६ गतेसम चल्न बा संयोजक ओझा कहलै, शिविरमे निशुल्क घटनादर्ता हुसेकल बा ।
राष्ट्रिय परिचयपत्र तथा पञ्जीकरण विभाग संगके समन्वयमे धनगढी उपमहानगरपालिकासे दर्ता अभियान संचालन शिविर संचालन हुइल बटैटी ओझा कहलै, ‘व्यक्तिगत घटना दर्ता कैना बाँकी हुइल नागरिकहुकनहे अपन पायक पर्ना दर्ता शिविरमे उपस्थित हुके जन्म, मृत्यु, विवाह, सम्वन्ध विच्छेक ओ बसाई सराई जैसिन व्यक्तिगत घटना अनिवार्य रुपमे दर्ता कैना अनुरोध करटी ।’
