थारू कलाकारहे सम्मान
पहुरा समाचारदाता
धनगढी, ३ बैशाख । राष्ट्रिय थारू कलाकार मञ्च केन्द्रिय कार्यालयसे थारू कलाकारहे सम्मान करले बा ।
शुकके रोज धनगढीमे एक कार्यक्रम आयोजना कैटी राना थारू भाषाके म्युजिक भिडियो ‘मयत प्रेम करंगो तुमसे’ के कलाकारहुक्रनहे सम्मान पत्र तथा खादा ओढाके सम्मान करल हो । थारू चलचित्र जगतमे राना समुदायके भाषा, कला, संस्कृति गीत संगीत मार्फत संरक्षण सम्वद्र्धनमे योगदान पुगाइल कहटी कलाकारहुक्रनहे सम्मान करल मञ्चके केन्द्रिय अध्यक्ष विनय वैद्य बटैलै ।
मञ्चसे म्युजिक भिडियोके मोडल दशरथ राना, सरस्वती राना, गायक अमरसिंह राना, निर्देशक सुधराम दहित ओ सिएस प्रालिके प्रवन्धक सतिस सिन्हाहे सम्मान करल हो ।
गायिका अन्नु चौधरी, सुवेश कठरिया, गणेश चौधरी लगायत कलाकारहे फेन सम्मान कैना मञ्चके अध्यक्ष वैद्य बटैलै ।
कार्यक्रममे मञ्चके केन्द्रिय सदस्य तथा मोडल बीर चौधरी, मञ्चके सुदूरपश्चिम प्रदेश संयोजक तथा नायक संगत चौधरी, निर्देशक सुधराम दहित शुभकामना मनतब्य राखल रहिट ।
