कोरोनाके दुसरा डोजके खोप सुरु

पहुरा समाचारदाता
धनगढी, ७ बैशाख । सरकारसे कोरोना भाइरसविरुद्धके खोपके दुसरा डोज लगैना सुरु करले बा । खोप अभियान सुरु हुइलपाछे पहिल चरणमे खोप लगाइलहुकनहे वैशाख ७ से ११ गतेसम दुसरा डोज डेहे लागल हो ।

स्वास्थ्य सेवा विभाग अन्तर्गतके खोप शाखाके प्रमुख डा. झलक शर्मा गौतमके अन्सार पहिल मात्रा कोभिसिल्ड खोप लगइल ४ लाख ३९ हजारहे दुसरा डोज डेजाई ।

सरकार २०७७ साल माघ १४ गतेसे कोरोनाविरुद्धके खोप अभियान सुरु करल रहे । माघ १४ से फागुन १० गतेसम पहिल प्राथमिकताके पहिल ओ दुसरा चरणमे पहिल मात्रा खोप लगाइल रहे ।

स्वास्थ्य मन्त्रालयसे खोप लगुइया टमान अस्पताल टोकडेले बा । सकारे १० बजेसे साँझ ४ बजेसम अपनहे पायक पर्ना स्थानमे जाके खोप लगाई सेक्जना बा ।