नौ महिनामे सय करोडके कारोबार
पहुरा समाचारदाता
धनगढी, १० वैशाख । आईएमई लाइफ इन्स्योरेन्स कम्पनी लिमिटेड नौ महिनामे पहिल बिमा शुल्क सय करोडसे ढेउर रकम बराबरके कारोबार करना सफल हुइलक ओरसे धनगढी शाखा कार्यालय एक कार्यक्रमके बीच खुशियाली मनैले बा ।
आर्थिक बरस २०७७/०७८ मे नेपालभरके शाखा कार्यालयसे सय करोडसे ढेउर रकम बराबरके कारोबार करना सफल हुइल आईएमई लाइफ इन्स्योरेन्स कम्पनीके प्रदेश प्रमुख सुमनप्रसाद तिमिल्सिना जानकारी करैलै ।
उहाँ कार्यक्रममे शाखा प्रमुख, अभिकर्ता, बिमित, टीम म्यानेजर, नेपालभरके पूरा टीमहुकनकहे धन्यवाद ज्ञापन करल रहिट ।
आईएमई लाइफ इन्स्योरेन्स कम्पनीके शाखा प्रमुख प्रेम राना बिमा करके साथ सहयोग करुइया सक्कु बिमितहुकनप्रति हार्दिक आभार व्यक्त करल रहिट । उहाँ अभिकर्ता, एजेन्सी म्यानेजर, बिमितहुकनहे धन्यवाद ज्ञापन करल रहिट ।
उहाँ अइना दिनमे फेन साथ सहयोगके अपेक्षा करटी अपन ओरसे करे सेक्ना साथ सहयोगके लाग हरदम तयार रहल जानकारी करैलै । कार्यक्रममे अभिकर्ता, एजेन्सी म्यानेजरहुकनके उपस्थिति रहल रहे ।
