आधारभूत पत्रकारिताके दुई महिने तालिम निम्जल
अनिता चौधरी
धनगढी, १० वैशाख । प्रेस काउन्सिल नेपालके आयोजनामे ८० घण्टे तथा दुई महिने ‘भर्चुअल’ आधारभूत पत्रकारिता तालिम शुकके रोज निम्जल बा ।
प्रेस काउन्सिल नेपाल (मिडिया विकास कोष) ओ नेपाल प्रेस इन्स्टिच्युटके सहकार्यमे कर्णाली प्रदेशके उच्च हिमाली जिल्लाके पत्रकारहुकनहे लक्षित करके देशभरके पत्रकारहुनके सहभागीमे फागुन १७ गतेसे बैशाख १० गतेसम कार्यक्रम संचालन हुइल रहे ।
तालिम समापन कार्यक्रममे नेपाल प्रेस काउन्सिलके कार्यवाहक अध्यक्ष गोपाल बुढाथोकी, नेपाल प्रेस इन्स्टिच्युटके कार्यकारी निर्देशक लक्ष्मण उप्रेती, नेपाल प्रेस इन्स्टिच्युटके तालिम संयोजक कपिल काफ्ले, झविन्द्र भुसाल लगायतके उपस्थिति रहल रहे ।
कार्यक्रमको संयोजन तथा नेपाल प्रेस इन्स्टिच्युटके तालिम संयोजक कपिल काफ्ले प्रमुख प्रशिक्षकके रूपमे रहिट कलेसे काउन्सिलके झबिन्द्र भुसाल, काउन्सिलके वरिष्ठ प्रकाशकीय अधिकृत (प्रवक्ता) दीपक खनाल, काउन्सिलके उपप्रशासकीय अधिकृत (सूचना अधिकारी) रामशरण बोहरा ओ वरिष्ठ पत्रकार तीर्थ कोइराला फे प्रशिक्षण डेहल रहिट ।
गुगल मिट एप्लिकेसनसे सुरु करगिल तालिमके सुरुके डिन ओहोर ६० से ६५ जाने पत्रकारके उपस्थिति रलेसे फेन ऊ कार्यक्रम निम्जटसम ३८ जाने पत्रकारके सक्रिय सहभागिता रहल रहे । सहभागिताके लाग देश भरके एक सय जानेसे ढिउर पत्रकारहुक्रे आवेदन डेहल रहिट ।
कार्यक्रमके समापनमे प्रेस काउन्सिलके झबिन्द्र भुसाल बोल्टी कहलै ८० घन्टे यी आधारभूत पत्रकारिता तालिममे मै फे ढिउर बाट सिख्नु ओ सिखैना मौका फे पैनु कहटी यी तालिम एकडम प्रभावकारी रहल कहटी खुशी व्यक्त करल रहिट ।
ऊ कार्यक्रम निम्जटी रहल बेला काउन्सिलसे सुरुसे अन्तिमसम तालिममे सक्रिय सहभागी रहल एकाउन्न जाने पत्रकारहुकनहे प्रमाणपत्र हस्तान्तरण कैना तालिमके प्रमुख प्रशिक्षक कपिल काफ्ले बटैलै ।
तालिमके अन्तिम डिन शुकके रोज कार्यक्रमके समापन करटी प्रेस काउन्सिल नेपालके कार्यवाहक अध्यक्ष गोपाल बुढाथोकी स्वच्छ, स्वतन्त्र ओ मर्यादित पत्रकारिताके विकासके लाग काउन्सिल एकडम क्रियाशील रहल बटैटी कार्यक्रमके समापन करल रहिट ।
